O fachineiro dos libros: Nordeste


Hai moitos libros que parten da hipótese de “que pasaría se…” para contar a súa historia. É o caso, por exemplo, do Ensaio sobre a cegueira de Saramago: que pasaría se todo o mundo se volvese cego? Tamén ocorre así en Nordeste. Que pasaría se gañaran os irmandiños? A obra ten esa parte de historia-ficción que nos amosa unha república galega cos seus territorios de ultramar e a súa Compañía Galega de Indias. Iso por un lado; porque polo outro, móstranos a situación dos desherdados do Brasil, do sertão, na década dos anos 30 baixo a bota de Getúlio Vargas. A obra comeza xustamente coa morte dun grupo de cangaceiros, unha banda que expresa o berro de desesperación dos que nada teñen que perder. E tanto nun plano coma no outro, a presenza protagonista das mulleres: Carme de Candinga e María Bonita. Este volume, que recibiu o Premio Repsol de Narrativa Breve, vai publicarse tamén no Brasil, unha exportación de cultura, non moi común na literatura galega. Non lembra o fachineiro quen foi o que dixo que os libros dos autores mortos hai que lelos e os dos vivos, compralos. Con esta primeira obra de Daniel Asorey hai que facer as dúas cousas asemade.

A.Q

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

w

Conectando a %s

Blog en WordPress.com.

Up ↑

%d bloggers like this: