Mielina


A.Q.

O fachineiro dos depredadores

En Irimia temos de todo. Hai optimistas irredutibles coma Martínez que me fan lembrar aquela frase do arcebispo de Chiapas -Samuel Ruíz- cando en tempos ben duros por aquelas terras lle preguntaron se era optimista. El respondeu “Son cristián. Como non vou ser optimista?”. E logo estamos os pesimistas ben informados coma este fachineiro. Así que nunha mesa de redacción xa temos os nosos yin e yan. Resulta difícil ser optimista lembrado unha imaxe deste verán galego, cando Carlos Slim, o home máis rico do mundo, antes de subir ao Rolls que o ía levar ao aeroporto de Vigo, onde o agardaba o seu jet, dedicou uns minutos a gabar os necesarios recortes de salarios dos traballadores e traballadoras. Un caso similar ao que lle afearon ao comisario Oli Rehn (por certo, é finlandés, deses que encabezan o informe PISA, que mide lectura e mates pero non solidariedade), cando lle dixeron que hai xente que gaña o que el gasta en dúas ceas. A pregunta que se formula este fachineiro é a seguinte: a xentiña coma esta ou coma a que desbalde miles de euros en confetti de aniversario, terá mielina recubrindo os seus enlaces neuronais ou será un xel con base de caviar?

Advertisements
Esta entrada foi publicada en O fachineiro. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s